Imbak na pagkain
Bigas, de-lata at asin na hindi masisira, hindi agad mapapasok ng daga, at alam mo kung alin ang uunahin.
luma muna bago bago
Paano mag-imbak ng bigas nang matagal?
Puting bigas, hindi brown, ang ilagay sa mylar bag na may oxygen absorber (mga 80cc bawat litro ng bag), i-seal, lagyan ng label, at ilagay sa timba na may takip sa malamig at madilim na lugar. Ayon sa Utah State University Extension, puwede itong tumagal nang hanggang 10 taon kung mga 21°C ang lugar; mas mainit sa Pilipinas, kaya asahan ang mas maikli. Tuyo lang ang ilalagay: kapag sinelyuhan nang walang oxygen ang basa o may langis na pagkain, puwedeng tumubo ang botulism.
Hindi kailangang marami agad. Ang mahalaga, hindi masayang ang binili mo: walang bukbok, walang amag, mahirap pasukin ng daga, at alam mo kung alin ang dapat unahing gamitin.
Gaano katagal tatagal?
Puting bigas, naka-mylar na may oxygen absorber
Hanggang 10 taon kung mga 21°C ang lugar.
Mas mainit sa Pilipinas, kaya asahan ang mas maikli. Kaya mahalaga ang malamig at madilim na lugar.
Source: Utah State University Extension
Brown rice
3–6 buwan lang.
May langis ito na nangangamoy. Hindi pang-matagalang imbak.
Source: Batay sa karaniwang best-before sa pakete; walang iisang opisyal na source.
De-latang mataas ang asim (kamatis, prutas, pickles)
12–18 buwan ang pinakamagandang kalidad.
Source: USDA FSIS
De-latang mababa ang asim (karne, isda, gulay)
2–5 taon ang pinakamagandang kalidad.
Source: USDA FSIS
Asin at asukal
Matagal kung tuyo at airtight.
Huwag lagyan ng oxygen absorber: titigas at magbubuo-buo.
Source: The Provident Prepper
Paano mag-imbak ng bigas nang matagal
- Puting bigas ang gamitin, hindi brown, para sa imbak na lampas ilang buwan.
- Kung may bukbok o hindi ka sigurado: i-freeze nang 4 hanggang 7 araw para mamatay ang bukbok at itlog nito, kung umaabot sa −18°C ang freezer mo. Karaniwang hindi umaabot dito ang maliit na freezer ng isang-pintong ref. Pagkatapos, hayaang bumalik sa room temperature nang nakasara bago ilipat, para hindi pawisan.
- Ilagay sa mylar bag, mag-iwan ng mga 2 pulgada sa itaas para sa seal.
- Oxygen absorber: mga 80cc bawat litro ng bag; mas marami, ayos lang. Halimbawa, 3 litrong bag = mga 250cc, kaya isang 200cc at isang 100cc. Buksan lang ang pakete kapag handa ka nang mag-seal, at ilagay agad ang natira sa garapon o zip bag na sarado.
- I-seal sa itaas ng zipper gamit ang impulse sealer, o plantsa na nakapatong sa kahoy. Subukan muna ang plantsa sa sobrang piraso ng bag para hindi masunog ang foil.
- Lagyan ng label: ano ang laman at petsa ng pag-seal.
- Ilagay sa timba na may takip para bumagal ang daga (kaya pa rin nilang ngatngatin ang plastik), sa istante na hindi nakadikit sa sementong sahig, sa malamig at madilim na lugar.
Kadalasan, pagkalipas ng 1–2 araw ay medyo sumisikip ang bag dahil kinain ng absorber ang oxygen, pero hindi laging halata kapag puno ng bigas.
Basahin ang petsa sa lata
- MFG / MFDPetsa ng pagkagawa. Hindi ito expiry.
- EXP / Use byHuling araw na inirerekomenda ng gumawa. Pinakaligtas na sundin.
- BB / Best beforeTungkol sa lasa at kalidad, hindi kaligtasan (USDA FSIS), basta maayos ang lata at walang senyales sa ibaba.
Itapon kapag ganito ang lata
- Umbok ang takip o ilalim
- Tumutulo o basa ang labas
- Bumubulwak o mabaho pagbukas
- Malalim ang yupi, lalo na sa gilid o dugtungan: puwedeng may butas na hindi nakikita
- Malala ang kalawang: puwedeng may butas na hindi nakikita
Luma muna bago bago
Ang bago mong bili, ilagay sa likod; ang luma, sa harap. Gamitin ang imbak sa araw-araw para laging umiikot, at tingnan ang lahat tuwing 6 na buwan, kasabay ng pag-check ng go bag mo.
Hindi namin isinama sa listahan ang vacuum sealer: hindi na ito kailangan kung may oxygen absorber ka.
Pang-imbak
- From
- Pinoy Prepper
- To
- Ang bigasan ninyo
Illustration ang mga larawan, hindi ang mismong listing. Tingnan ang tunay na litrato sa Shopee.
Mylar bags (foil, resealable)
Harang sa hangin, liwanag at halumigmig. I-heat-seal sa itaas ng zipper. Hindi nakasaad ang kapal sa listing.
10 PCS Food Storage Aluminum Foil Mylar Bag, rice storage
₱279Shopee
Oxygen absorbers
50 piraso; nag-iiba ang presyo ayon sa laki (50, 100 o 200cc). Hanggang 200cc ang isa, kaya pagsamahin kung kailangan.
50pcs Oxygen Absorbers (50/100/200cc options)
₱158Shopee
Pail with lid (20L)
Panlabas na proteksyon lang. Hindi food-grade ang timbang ito, kaya huwag ilagay ang bigas nang direkta: sa mylar muna.
Industrial pail with handle and cover, 20L/16L/10L/4L
₱189Shopee
Impulse heat sealer
Pantay at matibay na seal. Kung wala pa, plantsa muna.
Impulse sealer PFS-200
₱450Shopee
Airtight rice container
Para sa bigas na ginagamit araw-araw, hindi pang-matagalang imbak.
PINYAOO Food Grade Airtight Rice Storage Container
₱409Shopee
Mga madalas itanong
Gaano katagal ang de-lata?
Ayon sa USDA FSIS, ang de-latang mataas ang asim (kamatis, prutas, pickles) ay nasa pinakamagandang kalidad nang 12–18 buwan, at ang mababa ang asim (karne, isda, gulay) nang 2–5 taon. Itapon nang hindi tinitikman ang lata na umbok, tumutulo, bumubulwak o mabaho pagbukas.
Puwede pa bang kainin ang de-lata na lampas na sa best before?
Ang best before ay tungkol sa lasa at kalidad, hindi kaligtasan (USDA FSIS), basta maayos ang lata at walang senyales ng sira tulad ng umbok, tagas o malalim na yupi. Ang EXP o use by ang huling araw na inirerekomenda ng gumawa, at ito ang pinakaligtas na sundin.
Paano patayin ang bukbok sa bigas?
I-freeze nang 4 hanggang 7 araw kung umaabot sa −18°C ang freezer mo; karaniwang hindi umaabot dito ang maliit na freezer ng isang-pintong ref. Pagkatapos, hayaang bumalik sa room temperature nang nakasara bago ilipat, para hindi pawisan.
Puwede bang lagyan ng oxygen absorber ang asin at asukal?
Huwag, dahil titigas at magbubuo-buo ito. Matagal ang asin at asukal kung tuyo at airtight.
Kailangan ba ng vacuum sealer para sa bigas?
Hindi na ito kailangan kung may oxygen absorber ka. Kung wala pang impulse sealer, puwede ang plantsa na nakapatong sa kahoy; subukan muna sa sobrang piraso ng bag para hindi masunog ang foil.